جرح الخيـــــانه

[size=12]جرح الخيـــــانه

يعني من قل المصايب صاب هذا الصدر .. ضيق
ولاّ يعني من الحظوظ الطيبه ..ورفع المكانه

ذي حياتي من مضيقٍ .. في مضيقٍ .. في مضيق
وإن بحثت الصبر فيني .. ما أجد للصبر خانه

عادتي .. لا ضقت ادوّر حضن وعيــون الرفيق
مشكلة .. لا صار ضيقي منه واحزاني عشانه

يوم قال: إسمح لي بارجع .. وإنت كمّل هالطريق
لازم تقدّر وتنسى .. وننتهي .. وكلٍ وشانه

قلت: صبرك .. يرحم الله والدينك .. ما اطيق
ماني ناقصه فوق جرح اقدارنا .. جرح الخيانه

حاجتي لك .. حاجة الايتام .. وايدين الغريق
طالبك طلبه .. تراني اعشقك .. صون الامانه

وراح ماكنه سمعني .. والتفت .. لفتة طلـيق
وقال: اخيرا ما بغينا .. ثم غنى .. ليل دانه

عندها .. ادركت فعلا قيمة الحب العتيق
وقلت: هذي آخرتها .. ما تجاوزت امتحانه

ضيق صدر .. وجرح قلب .. ودمع عين ..ونشف ريق
هذا كل اللي جنيته انا منه .. بآخر زمانى

مدري كن الحزن فيني .. شاف له نعم الصديق
مدري يمكن كنت فعلاً .. كفؤ للحزن .. وتكانه

والفرح كالثوب لكن لبْـسته لي ما تليق
دام لبسه لاي خاسر .. ما وراه إلا الاهانه

آه ياحزني ترفّـق صاحبك .. جرحه عميق
اشهد انك يارفيق العمر .. طيّحت الميانه

مثلي مثل اللي يراهن كل خلق الله .. بعشيق
والبلا .. راهن ويدري .. خاسرٍ عشقه ورهانه

ويعني من قل الخساير صاب ذاك الشاب ضيق
يكفي لا هالوقت وقته .. ولا مكانه هو مكانه
[/size]